ياآل ابووجهين حقه.. اسكتوا ولانقول
الله الله ..بالمراجل دربها من يقحشه
مانبا كشف الخوافي مانبا الفتنه تطول
الرفيق ابقى لرفيقه .. والليالي موحشه
السنه مااقصر عمرها كلها اربع فصول
ودمع عينك مايكفي للبكاء لوتجهشه
هاضها من قال كلمه ماهي في حكم الاصول
اعجبه ريشه.. تمايل ثم تبختر ونفشه
غلطة لسانك كبيره.. مايجي منا نغول
النغل من هان عرضه.. يابهيم ويادبشه
يعبد المال وظميره من خمول في خمول
باع نفسه وقام ياكل لحم اخيه وينهشه
وانت ياتالي التوالي ياخوي ام الحجول
كلمة الماضي قريبه ليهو ودك ننبشه
ومامعك غير اللي خذته ياابوطيران وطبول
من يبور بهاالعقيده يبقى حاجه مهمشه
ايه ياوجدي لحالك والخضار اقفى ذبول
شفه من شين الطبايع والسحر والدنبشه
العقيده.. العقيده من ذهب من حب لول
(وانت توك ماتفرق وش(حدج) وش (مشمشه
الله الرازق ويعطي من بغى زين العقول
الرزين بنور وجهه .. والخبل نستخبشه
وان بغيت الشور مني لاتدورلك حلول
اعقد العزم وتوكل وخل منك الوشوشه
من قراها وصار عنده حيره وصابه ذهول
يسأل ويعرف من اقصد .. والنتيجه مدهشه
وان لقى مابه اجابه وقتله حب الفضول
اعتقد سود الليالي .. لاعرفها.. تغششه
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.