يا نبيّي لو كتبت الشعر .. ماهو ْبواجبي
واتجاهك واجب اكبر من قصيد ومن مقاله
بس انا حبّيت اثير العاطفه.. من جانبي
واثبت انك مستحلّ القلب واحسنت احتلاله
حتى لو مازلت أحْبي في ضلالاتي .. حَبِي
واسأل الله الهدايه والخلاص ْمن الضلاله
كل شي الا انت "لالا" ياغلى من أمّي وابي
ياليتيم اللي ملكْت الكون واتممْت الرساله
إنت رمز المسلمين الطاهر.. الحرّ.. الأبي
وكلّ منّا يفتديك بنفسه .. وأغلى عياله
مارضينا يرسمك رسّام كاريكْتر غبي
ياعسى في رسْمته تنشلّ يمناه وشماله
يوصفك بالسوء والإرهاب وانت آخر نبي
ودعْوتك لله وحده "ِسلْم وانصاف وعداله"
بس هذا واقع وفكر العدوّ الأجنبي
ضدّنا في كل شيء يمارس انواع النذاله
طالما تعريفهم للرأي: "قُول اللي تبي"
يعني وش ممكن نلاقي من ورى شلّة حثاله
إنحلال اخلاقي وديني .. وفكر ْتعصبي
وانسلاخ ْمن القيَم والذوق .. واحياء الجهاله
وانحطاط افظع من اللي توصله نزوة صبي
والبلى من شعب تافه و "البقر"هي راس ماله
لا يظنّونا نيام .. وهمّنا بس " ْطربي"
وارقصي يابنت فينا نفس رقص البرتقاله
لا .. وربّي ما سكت للسالفه قلب عْرُبي
وقلب كل انسان وحّد ربّنا جلّ َ جلاله
صوتنا واحد على رغم الخلاف المذهبي
والرسوم اللي أساءت للرسول.. اكبر دلاله
"قاطع انتاجاتهم" هذي خلاصة مطلبي
واقرأ الآتي .. وفكّر زين لا رحت البقاله
"كل شي إلا رسول الله حبيبي وصاحبي"
خلّهم يدرون إنّا عصْبته .. وانّا رجاله
وانّ هذا واجبك ياخي .. وهذا واجبي
وانّ سيّدنا "محمد" عنّهم .. تكرم نعاله
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.