الا يا مسندي. لـ لويحان التميمي

الا يا مسندي - لويحان التميمي

الا يا مسندي دنياك ما تحتاج ما تاحتاج
ترى اللي سالم منها تعادل فيه رمحيني

تصبّر والفرج يا مسندي من صاحب الأفراج
يا كودك عقب صبرك تستعيد العشر عشريني

ورا ما تعتبر باللي يضدنه ضلاف العاج
يورد حمله الجاير ويصبح خاطره زيني

تراني مستعدٍ لك على المقعاد والمنهاج
سبب ما أزعلك يزعلني وما يرضيك يرضيني

مانيب الصاحب اللي يوم يبدي به لزومه ماج
حاشا لله ماجي عن لزومك يا بعد عيني

كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
التعليقات المنشورة غير متابعة من قبل الإدارة. للتواصل معنا اضغط هنا.

مناسبة القصيدة

رداً على الملك فيصل رحمه الله في هذه القصيدة :- الا يامل قلبٍ كل ما جا الليل جاه خلاج=يلوج ويتلج بالصدر والعربان ممسيني انا متحير مادري عن المدخال والمخراج=الا وا عمس رايي ما لقيت اللي يقديني الا يا مجيب دعوة من تصافق فوقه الأمواج=انا بحماك يا والي الخلايق لا تخليني الا يا وجد روحي وجد من خلوه بالمسهاج=كسير الساق بنحور المعادين المغليني الى من دك هاجوسي ولو اني على ديباج=ولو جا لي جميع البيض غيره ما يسليني الا واهني مخلوقٍ يفرّج ضيقته لا داج=الى منه دخل بالسوق غادٍ له مياديني ترى بعض العرب عمله بروحه مثل عمل سراج=يضوي للعرب والنار في جوف المسيكيني

عناوين مشابه