حضرة الجمهور شوفوا شي من نوع ٍ فريد
والشعر اعرف طريقه ان طرى بلحظة أجيبه
يا هلا واهلين فيكم يا هلا فيكم وازيد
احساس يسبق نبضنا ماهي مشاعرنا غريبه
يا من كتب *مبدع قلم* هذي مشاركتي بريد
هذا ابداع القلم مبتعد عن كل ريبه
قالوا الاحساس ينبض قلت انا نبضي عنيد
قالوا الاحساس جيش قلت انا قايد كتيبه
قالوا الابداع فيك قلت وش فيها جديد ؟
بيننا قصة بطولة من مواقيفن صعيبه
بيننا عشق وغرام بيننا حب ٍ أكيد
بيننا اصدق مشاعر من حبيب ليا حبيبه
بيننا كل الوفا بيننا ماضي مجيد
بيننا بعض المعاني اللي شافوها عجيبه
بيننا افضل مشورة بيننا الراي السديد
بيننا احكام عقلك قبل تدفعلك ضريبه
هذا ابداع القلم والقلم لازم يفيد
والقلم لا خير فيه ان كان سهمه مايصيبه
وهذا موروث الادب والادب يبقى عتيد
والادب لا خير فيه ان كان ضيعتوا أديبه
والنهاية ما انتهينا نبضنا يمشي بوريد
ويوصل الاحساس عقلي واكتب ابياتٍ رهيبه
يكفي اللي يفتهمها لازم انه يستفيد
لازم يصفق ويصرخ .. يا بدر شِعرك مصيبه
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.