يارب عفوك بعد ماذاب حيلي
تصهرني اذنوبي ولا عاد بي حيل
جيتك كسيرن خاضعن لك ذليلي
دمعه تدوّر عن كفوف المناديل
انت الغفور وجيتك اسوق ميلي
انت العدال وجيت لك كلني ميل
ماهو زبَد .. دجلاي كله ونيلي
تدفّقت في كف غفرانك اتسيل
القرم مايزهى عليه المقيلي
وانا سباتي دام جيلن ورى جيل
بطشي حزامي يوم طيشي خليلي
والفن كيفي والملاهي معاميل
والنفس روّضها الطريق الهزيلي
وتسبيحة اشفاتي (عوافي / تساهيل)
من كثرما زايد من الذنب كيلي
اخشى من اسجودي تقب الزلازيل
واخشى صلاتي تنطوي في شليلي
واتذَب لي من بد كل الرجاجيل
ويلي من حسابك ولقياك ويلي
يالله لانورد على وادَيَك ويل
ادري يبيلي حيل . حيل ويبيلي
كامل ولا كامل ومحتاج تكميل
ماني كذا لو كان ضايع دليلي
فيني من احلام الطفوله مداهيل
انسان حرّفه الزمان البخيلي
مثل النصارى في تحاريف الانجيل
يالله ثبّتني وشفّي غليلي
اليا متى ارمي طاعتك للمقابيل
جندلت لك شكواي واسرجت خيلي
والنصر مذكور ٍ لمن يسرج الخيل
سارت جيوشي من فؤاد ٍ عليلي
وتبلورت فيها من الحط والشيل
قصيدة ٍ تبكي بصفحات ليلي
قامت تحضنها يدين المواويل
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.