جابك الله في حضور الناّيف وقبل جبينك
مبطي وصفحة ذنوبي ماانكتب فيها .. خطايا
افرح بذنبك وكني واحدن من والدينك
ياسقا الله ليلتن فيها شربتك .. يادوايا
أذكر اني قلت لك شوف القمر بيني وبينك
قلت لي لا لاترى أخوي القمر جالس ورايا
كيف خلفك ونت أضاءاته تولع في جبينك؟
قلت لي خليك عاقل .. هذي الشمس وسنايا ..!!
وابتداّ ليل النظر وسهوم من عيني تدينك
وقتها أذكر شي واحد من اساسات الحكايا
أني ضميتك بعد حبيت من شوقي يدينك
واني مدري كيف خليتك بدوني ياهنا يا ..
ماحسبت لمسرحية خوفك .. وطعنة يمينك
كيف كنت المخرج وكاتب فصول احلى روايا ؟؟
فصلها الاول طبيعي .. يبتدي من رد دينك
بس انا ذنبي صغير وذنبك اسباب لشقايا !!
يوم كنا في زمنا نقبل بزينك وشينك
يوم كنت اصحى واشوفك .. حتى قدام المرايا ..!!
وفصلها الثاني بدا من عاذليّ وعاذلينك
احسدوا قلبين ضمتهم ضلوعن بالحنايا
ركزوا سم الغدر وبحجة اللي ناصحينك
زينوا لك كيف يومك لو يعدي مو معايا ..!!
ومن لعب بالنار يامظنون عيني مايعينك ؟
مايعيش الا على الجدران او بعض الزوايا !!!!
وفصلها الثالث كتبته في حواراتك وسينك
وكيف دايم تفترض فيني أنا سوء النوايا !!
كنت ماترحم حبيبك وقتها قلبي رهينك
كنت راعي بس ماخفت الله بحقوق .. الرعايا ..
وفصلها الرابع قبل يبدا وحنا كاشفينك
في اصطناع الخوف والتمثيل واعذار النهايا !!
وكيف كنت انت البريء وكيف كنا خاطفينك
وكم جمل رنانه تصور بانك من ضحايا
اي ضحايا والبلا ياشينك .. وياقو عينك
قاضي وجلاد في كل الدعاوي .. والقضايا ..
اشرب .. اشرب في غيابي اشرب الله لايهينك
نايف وعالي ودايم ماي محفوظ بسمايا
وقبل ماتنشر على العالم ياحرفي كاتبينك
وللأدب والسقيا كل الحب .. مع شرف السقايا
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.