شوق القصايد. لـ فيصل بن بنان الكعبي

شوق القصايد - فيصل بن بنان الكعبي

شوفي القصايد تنكتب من حلاتج
ياللي حلاتج تسلب القلب والعين

مقدر أقاوم فيج رمسة شفاتج
وانتي شفاتج ماخذه التوت والتين

ياشوق قلبي تسأليني غلاتج
والله غلاتج فالحشا والشرايين

ماشوف غيرج مالبشر في صفاتج
يامن صفاتج مول مامسّها شين

وحيات قلبج والعمر لج فداتج
كلي فداتج لو بعمري تأمرين

حبج تملّك خاطري في حياتج
ودي حياتج حبّها لي ب / لسنين

أشكره ربي لي كتبلي لقاتج
واثره لقاتج زاد قدرج ملايين

محد سكن قلبي وروحي سواتج
منهو سواتج ساكن القلب والعين

كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
التعليقات المنشورة غير متابعة من قبل الإدارة. للتواصل معنا اضغط هنا.