لا تناخوا هل الفوعه... لـ متعب عيسى

لا تناخوا هل الفوعه.. - متعب عيسى

شبة الفجر والدله سفور
من لمسها خوي المرجله والصلاح

راعي البيت الادنا في مصب الشعور
ماتمثناه خاطر واعتجل بالمراح

والله إنه على دوس المخاطر جسور
وش لنا بالسوالف كل ماراح راح

بس انا أدري بعلم في ضحاه مخبور
لا تناخوا هل الفزعه هجاد الصباح

من زحم راعي ( الجميا) حياته دبور
لاعطى الوجه يمه بشره بالمطاح

وإن هدا الرمي والمجلس غشاه البخور
جاك صيته ووجه من وجيه الفلاح

يالنشاما غدا من نجد سيفً صبور
ماانثنى في حياته ((دون شرب القراح))

شوف عيني ..عيون الناس دمعِ يفور
في رحيله سعدهم منكسر به جناح

طيب الذكر دايم في مثيله فخور
والردي سعد عينه يالقاهم طفاح

مافعل في يمينه جعلها له طهور
صابري يالمكارم والسماح السماح

يالله إنك تحطه بين جنة وحور
يارحيم بخلقك بشره بالنجاح

كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
التعليقات المنشورة غير متابعة من قبل الإدارة. للتواصل معنا اضغط هنا.