لا مرت الفرصه مثل ساعة العيد
الحق عليها يا كثير الحسايف
لا تفوت وتلوم على زيد وعبيد
وشعيل من مبطي حموله خفايف
فرصة تجي في وقتها دون تحديد
والناس طماعه مثل ما انت شايف
معهم اليا جت لك على كيف ما تريد
لا تقصر عزومك يقولون خايف
اللي يبي ذروة سنام المقاصيد
يطلع مطاليع النجوم النوايف
يبسط نفوذه بالسياسه على البيد
من دون تجريد السيوف الرهايف
خل السيوف ولا تشيل البواريد
اليوم ماللعنصريه طوايف
تبي الحقيقه ما على الروح تهديد
تنام ما يحوفك من الخوف حايف
الامن نعمه والسياده لها سيد
يا فلان شوق الطاهرات العفايف
بحدود مفهومك تعامل ولا تزيد
الصدق ما يوخذ مزوح وطرايف
والمنهل الصافي رهي المواريد
ما تاصله لو جو الايام صايف
يذبحك من دونه سراب المواعيد
واللي ورى كذب المواعيد زايف
توارت عزوم الرجال الصناديد
قدام خيل مسودين الصحايف
اللي مثل برق الحباري ملابيد
وردن بنات الريح فيهم زهايف
وان شفت لكبار المناصب معابيد
وصاروا عديمين الضماير حلايف
لا تآمن ارقاب الحناشل معاويد
تحت ستار مسميات الوظايف
اول ظحاياهم سلوم الاجاويد
وآخر ظحاياهم قلوب الولايف
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.