وصلتني رساله من احد الأمورات ارسلتها
مسج بأبيات شعريه وانا بالشام عام 2008م ورديت عليها
هي تقول :-----------------------
-------------------------
يامن عن اديارنا سافرت وابعدت
وجهت وجك يايبه صوب سوريه
اوصيك في دينك وربك اذا اسهبت
واعيونك اقصر شبحها هالقويه
وعليك باللي لاجفاك المنام وقمت
وطلبت منه طلبة جات دغريه
اذكره واكثر من ذكر ربك ولاهنت
يحفظك حيث ان المعاصي جهريه
وعشان عينك عزوتي بس انا احببت
اذكرك وادع لي لاجبت طاريه
الرد :---------------------
--------------------------
في جو طيب بس فكري مشتت
جتني رساله من عزيزٍعليه
من اسمها فتحتها ماترددت
ومضمونها حرك ادموع الشقيه
اتقول فيها رحت يابه وتوجهت
لديرة تنسي الرجل من ذويه
من طيب مافيها تشببك لو شبت
فيها الطبيعه والفواكه طريه
توصين بالديان ان نمت وان قمت
وحنا قبلنا منها ذا الهديه
وارد الها واقول ياهيه يابنت
اخذي العلوم الطيبه الافضليه
ماني وانا تاجش الى رحت خرَبت
وجميع حسناتي تبدل بسيه
مامن خطا في شبَتي وبعدها تبت
وقدايمي في سكتي ابرحيه
لولا الامر من ديرتي ماتغربت
وفعايل المعروف تجزى بذيه
قالو انسافروانت معنا ولاهنت
قلت امركم حق على العين تيَه
وحنَا بخوة واحد دايم بصمت
ماغير ذكرالله وذكرى نبيه
جوله على تاريخ ناس لهم رمت
اصحاب من هو قد بعث للبريه
وابن تيميه شفت بيته وقفت
وصليت انا بمسجد ابن الجوزيه
ثم ريت مجلسهم وابَابه تصورت
وتدريسهم في مسجد الحنبليه
والاموي جيته وصليت مانمت
وايضاً ابي الدرداء جيته اشويه
واخذت لفه يم عمَان واجنبت
صوب العيال وديرتي القطريه
انا اشهد انها رحلت مابها كمت
رديت منها ونفسي لها قابليه
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.