قلّ إهتمامي بالبشر ماهو بعيب !
أنا تعبت اشيل هم و أعاني !
احط هقواتي على الناس وتخيب
وارجع ألوم الناس؟ وألا زماني؟
عاشرت لي أرجالٍ قرومٍ معازيب
تنطح بوجهي كل منهو عداني !
لا جيتهم.. القى حفاوه و ترحيب
ولا رحت .. كلٍ بالرذيله رماني !
مايكشف الاصحاب كود التجاريب
جرّبتهم مير اخر العمر ' فاني
راحت كثير سنين زيف واكاذيب
إلين حزني من جروحي خذاني
يا وقت عادك ما ترد المواجيب؟
على الأقل واحد يجي مو أناني
آليا عطيته طيب بيردها طيب
واليا احتجته ارتجل لي مكاني
يردع ليا وقف معاي الإصاعيب
ولا ضاق فيه الكون يمّه لقاني
ماغرّته بيض النوايا ولا الجيب
لاجل الاخوّه و المعزّه شراني
مايبيعني لاشاف زول الرعابيب
وَلَا يهزّه كل قاصي و داني
ينصحني ان كاني كثير العذاريب
عشان مايشمَت عليّه زماني
هذي أماني ما تودّي ولا تجيب
ياليت لو الحق على هالأماني
اخترت أبعد لا هي بزيف أو ريب
بعيش بالدنيا كريم أوحداني
مَ اهتم بأصحاب العقول المعاطيب
وَلاَ اشيل " هموم منهو كواني "
عادي تخيب ايّام وايّام بتصيب
هذي الحياة وعمري بيوم فاني
لكن مضيّق صدري مْن الإصاحيب
ومغيّرٍ جوّي .. و معجز لساني !
إني الاقي .. ( اهتمام الأجانيب )
وأنا من جروح القرآيب أعاني !
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.