ما يهون ضيقة الصدر في اليوم الكئيب
كود جيبا صانعينه من الغرب كفره
وارد اليابان لكزز ويكفيه اسم جيب
يفرج همومك ليا دار سلفه وكفره
كل شياً في مزاياه ووصوفه رهيب
يبهرك وجهه ويبهرك لا عطاك ظهره
ناقده يتعب ولا حصل اللي به يعيب
ومالكه يسجد لربه و بالخير اشكره
اشهد انه يطوي البعد من دون الحبيب
مودمي(ن) عذب الحال والقلب قهره
من غيابه يشكي القلب من جرحن عطيب
ويشتكي حالن كلى الهم عوده وزهره
راح عمره ما كُتب له من الولفه نصيب
ما لحقه من الهواء غير همه واسهره
لا نفع صبره ولا فاد به طب الطبيب
والامل برقه ليا لاح ما هل مطره
لي ثمان سنين صابر ولا جاني مجيب
لين طال الصبر والراس شيّب بشعره
ضاعت الهقواة والعمر داهمه المشيب
ونعثر حظاً قسى الوقت ظامه وكسره
مقدر النسيان ومفارقه عندي صعيب
وان شكيت الهم قالوا خذت عقله مره
وين بالقاء ياعرب في الزمن كساب طيب
الحكيم الوافي اللي تقدى بالنظره
لا دخل في الوضع ينهي طليبا من طليب
شاري(ن) للطيب والصعب ما ذكر عسره
الهقاوي فيه دايم تصيب ولا تخيب
ما يرده في المواجيب شغله وسفره
دايما من وقفة الطيب وعلومه قريب
طيب(ن) ذكره مع الناس بالطيب اشهره
والمراجل عن هل الطيب لا يمكن تغيب
لو لحقهم من عنا الوقت ضيقن وطفره
ذي مناوي والمناوي تصيب او ما تصيب
وياعسى في تالي الحظ يسرن وسفره
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.