ياهاجسي من ندّر القيفاني
انظم بيوتٍ تروي العطشاني
فرايدٍ مثل المطر لاهلت
على طبرجل ديرة الشجعاني
موطن رجالٍ جابني داعيهم
نعم الرجال مقدّرين العاني
لوّ المسافه كايده وبعيده
البعد يااهل الطيب مايحداني
سلام تسليم الوفا والهيبه
رديةٍ يرجح بها الميزاني
من راس شاعر من رجال عتيبه
تعم كل الساده الشيخاني
واشمل جميع الحاظرين الليله
مع خالص التقدير والعرفاني
في حفل قرمٍ وقفته محسوبه
فايد فنيخر مكرم الضيفاني
رجلٍ مواقيفه تنومس ربعه
يشهد له اقصى الناس قبل الداني
كل الفعول الغانمه فاز ابها
من روس قومٍ للكرم عنواني
عون الصديق وعز من ينخاهم
والطيب له بفعولهم برهاني
اليا ذكرت اسم الشراري يكفي
ماعاد بعد الاسم وصفٍ ثاني
اقولها وانا عتيبه ربعي
ولي الفخر في ربعي العتباني
تاريخنا مجدٍ يشرف ذكره
ريف الصديق وسقم للعدواني
فينا الشهامه والوفا والنخوه
وحب الكرم يجري مع الشرياني
وكل القبايل فعلهم مايجحد
وكلٍ بفعله يشتهر ويباني
اللي يمد الطيب يلقى مثله
ولا الردي شكره على الحقراني
واليوم في عصر الامن والراحه
الخير واجد والعباد اخواني
الله يعز اللي حكم دولتنا
ويديم الامن ونعمة الايماني
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.