يا أجدادنا يوم الهجوس إذكرتكم
مع ساير الاشعار نطلع سراكم
لو ماسمع من قولنا سامعتكم
لكن نطلع ذكركم من غلاكم
يوم الاعادي تبتعد عن جهتكم
وعلى الخوي والجار يذري ذراكم
وياأجدادنا من عقبكم تنضبتكم
خليت جوانبها وتبكي علاكم
خليت جوانب جوّها وفقدتكم
بعد مبانيكم على جو ماكم
يامى من الجم الرهاوي سقتكم
ومن فضل ماها يشربون اقطراكم
ومن جا يبا الفرزه معه جمّلتكم
واليا عطيتوا مايمن بعطاكم
ويامى من الدار البعيد إجذبتكم
حتن المقيض اليا تناحت إخطاكم
اليا من سمحات الخدود أبعدتكم
في مطرحٍ عنه الخطر ماحداكم
ترعون عشبه والعدا هايبتكم
وبعروة الله وثقتكم عراكم
كم من عقيدٍ قوّته هاجمتكم
يبا عشاه وحطه الله عشاكم
وكم سربةٍ في مالكم صبّحتكم
واقفت وسبق خيلها في يداكم
وخانة هل التفريق مافرقتكم
مستبعدين أشياً تفرق عصاكم
وسو النفاق وسيرته ماغشتكم
ولا حطه الله بينكم وأغتشاكم
مراجلٍ في وقتها متعبتكم
عشتوا بها لين أنتها منتهاكم
وتعليمة الجهال من عارفتكم
علمٍ يفيد ورافعٍ مستواكم
عرّافكم وعقولكم مكفيتكم
ومن عاش معكم يقتدي من قداكم
وراح الكلام الصدق عند السنتكموجا عقبكم قولة عطونا وهاكم
ناسٍ لغتهم ماتقارب لغتكم
مبدا لغاهم يختلف عن لغاكم
كثر التسنوي والحكا جا بعدكم
مع صفّةٍ ماربّيت مع رباكم
لو تسمعون علومهم روّعتكم
وملتوا على سبع الاراضي وراكم
نطلب عسى الله يبعد النار عنكم
ومن جنّة الخلّد يطيّب ثراكم
وياسامعين القاف وش رابعتكم
هو كذب والا صادق القول جاكم
دقت هجوسي والتماثيل جتكم
من خاطري واللي بعدها عفاكم
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.