من داخلي منهك ومتعب وميؤس
ومن خارجي رجال واسوى قبيله
عليء من فخر الرجاجيل ملبوس
ومحدن يقول اعيب بنه وهيله
الحزن في وجهي مأثر وملموس
والصمت لي وياه قصة طويله
أضحك وحزني وسط الاعماق مدسوس
سالي وكن النفس ماهي عليله
الله كم قدلي ورى الظيم محبوس
وقلبي حسيب اللي بضيمه رضي له
يا اهل الهوى ذا الحبهو فيه ناموس
هذا الهوى اللي شق صدري غليله
أنوح طول اليل واتوه واحوس
يالله عسى تاتي الليالي الجميله
بي ونة في الجوف تقطع كما الموس
وتذبح خفوقي غير مافية حيله
والفكر يتعبني أذا دق ناقوس
سهران مانمت الليالي الطويله
أحب ريم (ن) رعى عالي الروس
بالحسن متفرد ولابه مثيله
وصابني بالروح وعيونه القوس
من سهم رمشة بو العيون الكحيله
كن النفل في خدة الزين مغروس
لاهب ريح الشرق خصرة يميله
واسمه من الاسماء ماهو بقاموس
كل الشعر لو فيه كلمة قليله
لامر طيفه جاء مع الطيف هاجوس
والدمع في خدي تسابق هميله
الضيم والحرمان في الروح مغموس
وجمر الهوى بالروح وقاقد شعيله
متى تبدد يا اسود اليل بشموس
عسى الفرج قلب المعنى يجيله
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.