يا غلا باقي العمر - ياسر حسن الجنيد
بدري ، أشوفك واعرفك .. هالحين ..!!ماهو ضروري أخطفك .. من وين ..؟!ولاهو مهم اسأل .. قلبك عليْ .يكفينيّ اني شفتك بحفلة خياليوانتي ما تدرين ..!؟ومن بين كل الحاضرين ..إخترتك الأجمل .. في كل شي ..بس للأسف ..قلبك سرى غض وحزين ..وكني فهمت حكايتك من كلمتين ..نبض وأنين ..والحين .. لا تستغربين ..!!لو قلتلك :إني عجزت اتجاهلكواني وقفت اتأملكلين اجتمع في خافقي حرفين ..حرفٍ ح كى حسْن ورقى فوق الحظوظ الأوّلهوحرفٍ ب كى فرحة لقا .. كنتي بعينه مذهلةوجيتك ..وانا مثلك ترى .. نبض وأنين ..وقلبي مثل قلبك سرى .. يمّك حزين ..لا تحسبي جيتك أبي أستضعفك ..أو أوهمك إني صبي واستعطفك ..لا والذي ساقك على حفلة خيالي ..ومن ورى شوفك .. سمحلك تدخلين ..جيتك ..أبي أجمع حزن قلبين ..قلبٍ على حسرة غفى ..ودّي شروقك يشغلهوقلبٍ على جمر انطفى ..ودّي خفوقك يشعلهواقولها بالمختصر :يا غلا باقي العمر ..اطلبيني .. وش تبين ؟اطلبي .. لا تستحين ..ودك اخطف لك من الدنيا قمر ؟!يستعمرك في لحظتين ..أو يسهرك .. لا نامت عيون البشرأو جايز انك تشتهين ..أقطف من اغصان الأماني لك زهر ..يتعطرك في نظرتين ..أو ينطرك مع لهفة عيونه دهراطلبيني .. وش تبين ..!!أشّري لو بالعيون ..آه من سحر العيون ..في نظرة عيونك أمر ..للعاشق المجنون ..اللي إلى منه تسيّد في خفوقك ، ما يخون ..واللي إلى منك غمرتيه بحنانك ..تلتقي .. كلك على كله .. يمون ..واللي إلى منه خطا ، قل العطاواتجاهلك أو زعّلكوالله .. على روحه دموعك .. ما تهون ..هذا أنا .. العاشق المجنون ..اللي يبي يرسم من احساس امنياته .. دنيتين ..دنيا .. يلونها .. بريشات الوفا ..ما ينرسم فيها غدرودنيا .. يلونها .. بلا ريشة جفا ..ما ينرسم فيها هجرونعيش انا وانتي سوى ..نستنشق انفاس الهوى ..قدام كل الحاضرين ..ولا تستحين ..!اطلبيني .. وش تبين ؟؟يا غلا باقي العمر ..يا غلا كل السنين .
© 2024 - موقع الشعر
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.