اطلقت لعنان الخيال المصاريع
وعزيمةٍ غيض العدا ماهزمها
من خاطرٍ له بالثريا مطاليع
الا ويومه كان دونه رسمها
ارق واهدا من هبوب الذعاذيع
واثقل من العبره على من كتمها
من غيض والا فيض ماهوب تطويع
ان كان مندوب الضماير عزمها
مهرة عقيدً يوم دش المداريع
يزمي سطرها ويتبدد زرمها
يوم اكثر الشعار شعار تجميع
واللي لقى له ذاهباتً وسمها
شعار كيف الحال لو ذبت الريع
ضاعت مباديها وطاحت هممها
وانا الذي م اقصد بليا مواضيع
واليا قصدت اتعب لها واحكمها
ينفث بها نمر ابن عدوان وجديع
من سمعها دارس جروحه لطمها
تشوش له روس الرجال البواتيع
وان لامست قلب الهواوي هشمها
وسمي عليها واضحً تقل توقيع
يدري به اللي لاقراها فهمها
ينصب فيها من شعوري ينابيع
واسلوبي اللي تعرفون يختمها
ماني مضريها عساسه وترقيع
القلب شاعرها وعقلي حكمها
واليا بدا لي لازمً جيت تزويع
زوعة عزومً من عسفها زهمها
من دون ربعي ب المواقيف ماطيع
يا منّ كلً عزوة له نهمها
اذود عنهم ب الحروف القواطيع
وابرز مواقفهم ل خبلً هضمها
وانشر حسانيهم بالاثبات واذيع
مابان منها ، واتغافل عدمها
لو ما يجيني من وراهم منافيع
هبرة جملهم ماطمعت ب لحمها
لو يجهلوني في ليال المرابيع
تطريني الكنّه وحامي وحمها
وانا عزيزٍ لو بروق المطاميع
تروح ب اللي شرهته ما خزمها
م ادنع لو كبار الاسامي دوانيع
والنفس يصنع قدرها من حشمها
ان ما لقت باهي قبالً وتوديع
يخدش تعالي كبرياها ندمها
في زحمة الشعار لااردي ولااضيع
لو الكنانه ما تقدر هرمها
اللي لهم منيّ على الطيب تشجيع
والطيبه من حظ من يغتنمها
هذا ولي حظٍ محرم على البيع
موت الرجال ان كان ماتت ذممها
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.