يحق لك. لـ خالد التويجري

يحق لك - خالد التويجري

يحق لك عاشرت غيري وسلاك
يا والله اللي بي نويت القطيعه
بايع ضميره بالهوى مثل شرواك
يا مرخص الغالين واجب نبيعه
ماعاد ابي حتى مع الناس طرياك
نفسي على اللي مثلك انته رفيعه
العام لو اخطيت ندمح خطاياك
وأسامحك يابو العيون الوسيعه
اول تونسني مع الناس ذكراك
اليوم من جاب الحكي بك نطيعه
اشفيت بي وشفيت شفة شفاياك
اثرك بمن حبك نويت الخديعه
وشلون اعذرك وانت هذي سواياك
تجرح ولا تشفي القلوب الوديعه

كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
التعليقات المنشورة غير متابعة من قبل الإدارة. للتواصل معنا اضغط هنا.