ياسعود ياويلي على رجم وهاب. لـ جمعان عايض العازمي

ياسعود ياويلي على رجم وهاب - جمعان عايض العازمي

‎يا سعود ياويلي على رجم وهاب
‎ويلي على شوفه ومقناصه عصير

‎ودي ولكن دونه احكام وسباب
‎دونه حدني حاميات المقادير

‎هذي ثلاث سنين بكتاب وحساب
‎ارسل ولاجتني علوم وتباشير

‎تسكرت من دونها كل الابواب
‎وضاقت على الهاوي جميع المعابير

‎مير الرجا بالله يا سعود ما خاب
‎يا بن الرجال الطيبين المناعير

‎عسا حقوق الوسم لاهل صباب
‎يرخي هماليله على الجذع وسدير

‎وطاح الحيا والخير من رب الارباب
‎وتفتقت شعبانها واقبل الخير

‎تشوف لسيول الحيا فيه مضراب
‎ويحيي الفياض الممحله بالمخاضير

‎لي خاطرٍ والجرح يبطي ولاطاب
‎ولايبري جروحه سوا هدة الطير

‎خطوا اشقرٍ لاهد ماهوب تلاب
‎وشره على خرش الحباري المذايير

‎عليه من عين الحسد ستر وحجاب
‎شيخ الحرار النادرات المغاتير

‎من الصليلي لاسرحتوا بمعزاب
‎ورحتوا على الحروه عسوس ومداوير

‎يا زين تفريعه على يد قضاب
‎شرق الغضى والا جنوبٍ عن غوير

‎ارسلتلك ماكنه الصدر بكتاب
‎وعذر وسامحني على اية تقصير

‎ولاقلتها قصدي وراها تكساب
‎الا معزه حشمةٍ لك وتقدير

كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
التعليقات المنشورة غير متابعة من قبل الإدارة. للتواصل معنا اضغط هنا.