يامسايلي طربتي شوف البعاريني
قلبي تعلق بها والروح هويانه
لشفتلي وضحٍ فيهن شوّشت عيني
يحتار فكري بها والنفس ولهانه
أسمع حنينه واحسب إنه تناديني
للبل ينبض خفوقي زاع وجدانه
البل عنها زماني مايعزيني
لو كان وقتي ردي عسرات أزمانه
من حبهن جبتهن باغلا المثاميني
لعيونهن يارفيقي ترخص اثمانه
وش عاد لوهي تعب شوفه يسليني
متونسٍ خاطري ما اقزنه أحزانه
والياهدر وسطهن شيخ البعاريني
أزين بسمعي من الموال والحانه
مع بدري الوسم نتليهن امحيليني
لاسقا الخبوت المريه صادق امزانه
يازين مرباعهن من عند فرقيني
ولا الحماد ان سقاه الوبل ودانه
نرتع بهن كل وادي مرتعه زيني
لأعطف وزاف الزهر في ناعم أغصانه
يامحلا رتعهن بين الصلاتيني
وياما حلا عندهن فرده وحيرانه
شبيت ناري وجليت الشياطيني
وأبعدت بالنجر منحوسه وشيطانه
سويت فنجال بن بكل تقنيني
في قدر ماجبت في زوده ونقصانه
صكوا علي حولها ربع غلاميني
عندي وحولي شباب ترود ذيدانه
عبيت للبرد ملبوسٍ ايدفيني
ولابات ليلي ياغير البل شبعانه
والراي محسوم ماهو بين دلويني
لأجل العشاير ترى ماالنفس بلشانه
واليا ارجعت للعلف لو كان بالديني
جبناه والله ولي النفس سبحانه
الله مولاي هو خير المعاويني
ولي خلقه وكل الكون باركانه
يعينني دام حب البل طاويني
مادام نفس الشقا للبل عشقانه
قلته وكملتها لعين البعاريني
لعيون طربة هواي وروح هويانه
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.