على ماكتب لك يافتا الجود خلك قنع
على فضل ربٍ دايم الشكر يرفع له
الارزاق موهبةٍ من الله ماتصنع صنع
ماهو مصنعٍ للي يبي منه يصنع له
الارزاق من راع العطايا وراع المنع
احد يحرمه وحداٍ عطاه إيتتابع له
ليا صرت سنع وصار حضك ودربك سنع
هذا اللي براي الله دروبه تسنع له
ذراك المذري عن سمومٍ هواها شنع
رفيقٍ يسمّعك الفوائد وتسمع له
واحذّرك عن رفقة هزيلٍ حسودٍ دنع
عن الارض يرفعك الجبل يوم تطلع له
مخلد ابن عتيق الدرين الضباطي
هلا باللذي يقطف ثمار القوافي ينع
ومن غيرك اللي جزل الاشعارتركع له
معك رزق البنادم نصيبه ولوهو خنع
ولاهو بحاجه للبشر يوم تشفع له
الارزاق بيد الله ولله خلك هنع
وحذراك احد غير الولي يوم تخضع له
وجنب هل النمات هل المصلحه والقنع
نصيحه بجفا مني طلبتك تطبع له
ما اعيب الرجل كانه لدرب الردى به زنع
وكلن ترى افعاله على الدوم ترجع له
كتبت القوافي لك فصيحه ولاهي كنع
ومن لافهم لهجي يقرب وأرمع له
محمد الحربي ابوشامي
شبابك اذا اقفى سوّ فيه المراثي وانع
ورحبّ بشيبك وأفضل العمرودّع له
ترا الشيب له حشمه وهيبه ولوهوتنع
وشيبك تبيّن للعرب لا ترقّع له
الاثرم ما ينطق سنع تنطق لسانه ثنع
وباقِ السنون اذا تكلم تقربع له
سنين العمر مثل الثمر يوم يجنع جنع
سبقنا الشفيع الهادي اللى خصف نعله
يموت البنادم لوتمرجل وذكره فنع
ولا ينفعه لو كان ماله تفنّع له
اذا طال عمرالرجل يرنع براسه رنع
خطوب الزمان دروس تنذروتصفع له
حسن عامر آل عيسى
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.