سمعت. ذيبٍ بالطويلة قنب لي
على صدى صوته من النوم فزيت
جاوبت وحساس الضماير غنج لي
ولا صارت. النية على ماتمنيت
صادفت ضرسٍ في طريقي وقف لي
وعن مايريد القلب جنبت واقفيت
ان كان نسناس الهوى ما لعب لي
معذور لو اني عن الرجم صديت
ماسوج في غير . المواجيب رجلي
ولالي هوى في منزلٍ صاحبه ميت
ياذيب وجهك ببيض النعم. مجلي
وانا اعتذر لك كاني بحقك اخطيت
قفلت عن بعض المشاريه سجلي
وواصلت مشواري على ماتوريت
دلوي يوردها على الجم حبلي
وشربها من صافي المعرفة هيت
ماني بحاجة واحدٍ ماحسبلي
يكفيني انه ينخس الارض لاجيت
انا مع الطيب يدوم. الطرب لي
أبادله. بالطيب وقول حييت
رفعت عن طبع الدنافيس شبلي
الله يثبّتني على الحق تثبيت
ليا صار حامل بيرق القوم خبلي
طمس بياض قلوبهم باسود الزيت
ياكثر حيّ صحبته ماصفتلي
عزالله اني من اهل الدجل مليت
ان كان غصن الوارفة مانعطفلي
ورقيت به للنايفة ماتعنيت
اما رضيت بقسمي اللي اقسملي
والا على القمّة جلست وتساويت
وجهت من قوس المهمات نبلي
ارمي بها خلجٍ على متن عفريت
دربي على بيض المواجيب عدلي
وعن واجبي مع لا بتي ماتخفيت
نافع مطر المرواني
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.