حلم بكره - محمد سراج محمد
حلم بكره___ﻧﻔﺴﻲ ﺍﺭﺟﻊ ﺗﺎﻧﻲ ﺃقري ..ﻭﺍﻛﺘﺐ أرسم اجري العب ..ﺍﻣﺸﻲ بدري عشان ﺃﺻﺤﺢ ..واقعد ارتاح لما اتعب ..ﺃﺟﺮﻱ العب مع صحابي ..ﻭمره امشي ومره اركب ..ﻭﺍﺻﺤﻲ بعدو ﻭﻛﻞ ﻫﻤﻲ ..ابقي عارف كلو تب ...........................................................ﻧﻔﺴﻲ ﺍﻟﻌﺐ ﺧﻮج وﺑﻠﻲ ..ﻛﻮﺭﺓ ﺍﻟﺸﺮﺍﺏ ﻭﺍﺿﺎﺭﺏ ..ﺍﺭﻛﺐ ﺍﻟﻌﺠﻠﺔ ﻭﺍﻟﻔﻠﻒ ..ﻭﺍﺭﺟﻊ ﺍﻟﺒﻴﺖ ﻓﻲ ﺍﻟﻤﻐﺎﺭﺏ ..ﺍﺷﺮﺏ ﺍﻟﺸﺎﻱ ﺍﻟﻤﻘﻨﻦ ..ﺑﻲ ﺧﺒﻴﺰ ﻣﻌﻤﻮﻝ ﻭﻛﺎﺍﺍﺭﺏ ..ﻭﺍﻃﻠﻊ ﺍﻟﺸﺎﺭﻉ ﻣﺮﺳﻞ ..ﻟﻲ ﻓﺤﻢ ﻣﻦ ﺍﻟﺰﺭﺍﻳﺐ .............................................................ﻧﻔﺴﻲ ﻓﻲ ﺍﺟﺎﺯﺓ ﻣﺪﺍﺭﺱ ..ﺍﻧﺴﻲ ﻟﻠﺨﺮﻃﻮﻡ ﻭﺍﻓﻮﺗﺎ ..ﺃﻣﺸﻲ ﻟﻲ ﻋﻴﺸﺔ ﺍﻟﺒﺴﺎﻃﺔ ..ﻻ ﻛﻮﺍﺭﻳﻚ ﻻ ﻓﻲ ﺟﻮﻃﺔ ..ﺃﻟﻘﻲ ﺣﺒﻮﺑﺘﻲ ﻭﺷﻠﻮﺧﺎ ..ﻭﺗﺎﻧﻲ ﺍﺳﻤﻊ ﻣﺮﺓ ﺻﻮﺗﺎ ..ﻭﺟﺪﻱ ﻓﻲ ﺍﻟﺮﺍﻛﻮﺑﺔ ﻳﻘﻌﺪ ..ﻭﺟﻨﺒﻮ ﻧﻘﻌﺪ ﻧﺤﻨﺎ ﻛﻮﺗﺔ ........................................................ﻧﻔﺴﻲ ﻓﻲ ﺭﻣﻀﺎﻥ ﻭﺣﺮّﻭ ..ﻟﻲ ﻓﺮﺍﺵ ﺑﺮﺓ ﻭﻓﻄﻮﺭﻭ ..ﻟﻲ ﺍﻟﺒﻠﻴﻠﺔ ﻭﻟﻠﻌﺼﻴﺪﺓ ﻭﻟﻠﻨﻌﻴﻤﻴﺔ ﺍﻟﺒﺪﻭﺭﻭ ..ﻟﻲ ﺻﻴﺎﻡ ﻳﻮﻣﻲ ﺍﻻﺗﻤﻮ ..ﺍﺑﻘﻲ ﻓﻲ ﻗﻤﺔ ﺳﺮﻭﺭﻭ ..ﻭﻟﻲ ﺗﺮﺍﻭﻳﺢ ﺟﻮﺓ ﺯﺍﻭﻳﺔ ..ﻭﻛﻞ ﺯﻭﻝ ﻻﺯﻡ ﺣﻀﻮﺭﻭ ..........................................................ﻧﻔﺴﻲ ﻓﻲ ﻋﻴﺪ ﻛﻠﻮ ﻓﺮﺣﺔ ..ﺑﻲ ﻫﺪﻭﻡ ﺳﻤﺤﺔ ﻭﺟﺪﻳﺪﺓ ..ﻟﻲ ﺑﻴﻮﺕ ﺍﻟﺤﻠﺔ ﻧﻤﺮﻕ ..ﻭﺍﻟﻘﻠﻮﺏ ﻣﻠﻴﺎﻧﺔ ﺭﻳﺪﺓ ..ﻭﺍﻟﻜﻌﻚ ﺷﻴﺎﻟﺘﻮ ﻋﺎﻣﺮﺓ ..ﻭﻧﺎﺱ ﺗﺒﺎﺭﻙ ﻣﺎﺩﺓ ﺃﻳﺪﺍ ..ﻭﺟﻴﺒﻲ ﺑﺎﻟﻌﻴﺪﻳﺔ ﻳﻤﻸ ..ﻭﺃﺷﺘﺮﻱ ﺍﻟﻠﻌﺒﺔ ﺍﻟﺒﺮﻳﺪﺍ .............................................................ﻧﻔﺴﻲ ﻓﻲ ﻧﻮﻣﺘﻲ ﺍﻟﺰﻣﺎﻧﻚ ..ﻣﻦ ﺗﻤﻨﻴﺔ ﻣﻊ ﺷﺨﻴﺮﻱ ..ﺃﻱ ﺣﺘﺔ ﻭﺃﻱ ﺍﻭﺿﺔ ..ﻭ ﺑﻜﺮﺓ ﺍﺻﺒﺢ ﻓﻲ ﺳﺮﻳﺮﻱ ..ﺍﺣﻀﺮ ﺍﻟﺤﻠﻘﺔ ﺍﻟﺠﺪﻳﺪﺓ ..ﻣﻦ ﻃﺮﺍﺋﻒ ﺗﻮﻡ ﻭﺟﻴﺮﻱ ..ﻭﺍﻧﺠﻠﺪ ﻓﻲ ﻛﻞ ﻏﻠﻄﺔ ..ﺑﺲ ﻳﻜﻮﻥ ﻣﺮﺗﺎﺡ ﺿﻤﻴﺮﻱ .........................................................ﻧﻔﺴﻲ ﺍﻋﺮﻑ ﻭﻳﻦ ﻣﻜﺎﻧﻲ ..ﻫﺴﻪ ﻓﻲ ﻗﻠﻮﺏ ﺍﻟﻤﻌﺎﻳﺎ ..ﻧﻔﺴﻲ ﺍﻋﺮﻑ ﻭﻳﻦ ﺣﺪﻭﺩﻱ ..ﻭﻣﻴﻦ ﺑﻴﺴﺘﺎﻫﻞ ﻭﻓﺎﻳﺎ ..ﻧﻔﺴﻲ ﺍﻣﺮﻕ ﻣﻦ ﻫﻤﻮﻣﻲ ..ﻭﺃﺑﺪﺍ ﺗﺎﻧﻲ ﻣﻦ ﺍﻟﺒﺪﺍﻳﺔ ..ﺍﺭﺟﻊ ﺍﻛﺒﺮ ﻣﻦ ﺻﻐﻴﺮ ..ﻧﻔﺴﻲ ﻓﻲ ﻧﻔﺲ ﺍﻟﺤﻜﺎﻳﺔ..5/7/2011
© 2024 - موقع الشعر
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.