بنتٍ تلاعبي علي يمين ويسار
مدي العلاقه بيتعدى حدوده ..
قالت من انت وقلت مجموعة اخطار
من كل ضد وضد تلقين زوده
تلقين بي الهيل والبن والكار
وتلقين لي في صفحة الطيب عوده
اهل العلوم الطيبه طوال الاعمار
ختمه وبصمه في جبيني وجوده
قيل بلوي قلت ايه عثماني والدار
انا من أل سعود ... ماهي سعوده
سعود فارس بالعثامين مغوار ..
وحماد فارس ماضياتٍ عهوده
فريس قوماً لاعتلو قب الامهار
وشيوخ يوم ان الشيوخ معدوده
هوامله تسقي العدو كاس الامرار
طب ودوا وعلاج كبدٍ للهوده ...
يا كم ساقت ورخصت غال الاعمار
يوم النهار اللي بشلفا وبروده
لاتنشدين الحمض واهليه وش صار
ولا تنشدين الجزل عنا حدوده
ولاتنشدين اللي فقد ذود وابكار
وفي ساحةٍ للموت صيح للذوده ..
حنا عثامينٍ ليا شتبت النار
مافيه علمٍ مانجي في سدوده
من خلقة الدنيا كما بن وبهار
وكلاً لو يماري بكسبه وفوده
حنا عطانا يوم رد الجزا حار ..
وحنا وفانا يوم كلاً شهوده ....
سحابةٍ هلت على قضاعه امطار
للين النبات اليابس اخضر عوده
ولو تنشديني عندي علوم واخبار
عن الحيا اللي مطابقه في بنوده
ودي معك لو لاخر العمر مشوار ..
يا عود غصن البان غضٍ نهوده .. ؟
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.