ياالله ياالله في نو(ن) يشوفونة

ياالله ياالله في نو(ن) يشوفونة
خيالة البرق من عرعر لنجراني

نو(ن) يقود السحاب وتمطر امزونة
ما شافت العين مثلة طول الازماني

يبدي من القبلة القبلة علي هونة
ومشهات جودة تباشر فية الاعياني

يسوقة الريح من تالية لركونة
صبحة تباشير ومضحاة وداني

ما راقب اعيون حساد(ن) يحسدونة
اللة معلية عن قصار الابداني

سحم(ن) مقاديم لونة والسعد لونة
ولميض برقة سوات السيف شاماني

كن السيوف اللوامع تشلع امتونة
وحنت ارعودة تقول اصوات بركاني

وبل(ن) حقوق المخايل فية مقرونة
ولا زيد سولف بة الاول علي الثاني

لا ارخا ذبيلة وقامو الناس يوحونة
كنة ترانيم خلان(ن) لخلاني

يفرح غريب الديار ويبعد احزونة
ويضحك اللي من الايام زعلاني

غيث(ن) علي دار اخو نورة يعدونة
دار(ن) مواقيفها النخوة والاحساني

دار الشهامة سنام المجد وحصونة
كسابة الطيب والناموس من داني

دار(ن) عن الشرك واهل الكفر مامونة
من جالها يستريح بخير واماني

بيت العرب قبلة الاسلام وجفونة
بوابة الشرق لاهل الغرب شرياني

ياخذ عليها نهار(ن) تدمع اعيونة
من طلعة الصبح حتي عند الاذاني

وسبوع عقبة يذوب ويسحب اردونة
ويمشي علي البيد شعبان(ن) وودياني

والشهر الاخر يجيب اقصاة وحتونة
مغير ريحة ازهور وريح ريحاني

يشرح اصدور الرجال اللي يعسونة
ويطمن النفس عن وقت(ن) وعواني

تلقا الشجر في محيطة تسبح اغصونة
في وسط روض(ن) تثني فية الاغصاني

نبت الخزامي وعرق النفل يلقونة
وطلع الزبيدي تقول اجماة ورعاني

متشابك(ن) من بعيد اقصاة لا دونة
كنك تسير برجلك وسط بستاني

فية ام سالم تجر الصوت بلحونة
من فوق الاغصان تشدي عذب الالحاني

اجمل جميل الكلام وغايةافنونة
طراوت النفس عن نبرات الاحزاني

والصبح راع الجمال الناس يتلونة
ما كن وجهه عليها والدهر شاني

يرقا لها في منيف(ن) يبعد اشطونة
ويعدي ويحدي لها طيب وفرحاني

ينسف شماغة علي متنة واخذ شونة
واصبح يهيجن من الفرحة وطرباني

في ظل عز البلاد اللي يعرفونة
سكانت الكون صدقان(ن)وعدواني

عبدالله الليث سم الخصم طاعونة
سم العداء محتم الهية كحيلاني

يوم الموازين مختلفة ومشحونة
ميزانة الصدق رجح كل ميزاني

اكبر سياسي علي الدنيا يسمونة
ما جابن البيض مثلة هيبة انساني

اليا تكلم كلامة يشرح اضنونة
وليا فعل فعلة انهي كل برهاني

هذاك ابو متعب اللي شامخ(ن) كونة
حر(ن) تعلا بصدر الجو شيهاني

مكارمة في صميم الذات مكنونة
ودقلات جودة علي القاصين والداني

تحيا بة اكبود مجروحة ومغبونة
وتموت منة الوجية القشر لاباني

الله يديمة علي شعب(ن) يجلونة
ويطيل عمرة لنا رمزا وعنواني

يستاهل الحب ظرغام(ن) تحبونة
حبة يتل الضلوع العوج من داني

محبتة في سويدا القلب مدفونة
بين الظماير لها موقع ومسكاني

ليث(ن) مقاديم راسة ما ينوشونة
نقالة الكذب صاحين(ن) وخبلاني

سم(ن) علي اللي يشيل الكبر ما عونة
ويهدي اللي نهار الهوش فتاني

كم عايل(ن) عال حتي ظهر اجنونة
وبين لنا ابعاد منطوقة بعد باني

عبدالله اللي كثير الناس ينصونة
من جاة من جاة يلقا كل سفطاني

مشاعرة قبل جود ايدية عربونة
وتواضعة زود طيب وزود قرباني

يشيل حمل(ن)خصومة ما يشيلونة
ويقدر ويقدر علي الكايد زويحاني

الله يخلية نصر(ن) تستمدونة
ويعز عزة ويبقا عز سلطاني

سلطان ابو خالد اللي الناس يطرونة
فية القصايد تصير اشكال والواني

راع العطايا وقصادة يخبرونة
مدة يمينة تعادل كل الايماني

لا صك وجه البخيل الباب كالونة
يفتح لها راعي المدات بيباني

حلو(ن) جنابة وضد لمن يعادونة
ودايم طواريق طيبة بيض وسماني

انتم ملوك الوطن والشرع تعطونة
حماية الدين من جد(ن) لجداني

سيف(ن) يقص الرقاب لمن يخونونة
وشذرة لسانة تساوي حد الامتاني

وللدين نصرة ضمير(ن) تستلذونة
وللدار هيبة وتاريخ(ن) وحداني

ما همكم من يقول وتقرع اشنونة
بعض السوالف مضايح هرج نقصاني

اللي يهوز الجبال الشم بقرونة
لابد تكسر اقرونة كسر ويهاني

ومن خانكم في لهيب النار تصلونة
اللي يشب الفتن ويخون الاوطاني

مواكر الفسق واهل الفسق ملعونة
ما تنتج الا خبيث وفكر شيطاني

يا قوم الارهاب من ذا اللي تذلونة
قولو ترا ما بقا للهرج ميداني

سوادكم من سواد اللي تسوونة
وعمالكم طيش جهال(ن) وصبياني

اهبوا هبيتو ترا المجرم يهبونة
الخلق لا صار مابه خير وايماني

كم واحد(ن)في سبيل الله تغدرونة
ما تطلبونة حلال ولاش دماني

تراة في ذمة الله لا تمسونة
وفعل(ن) يخدش الشريعة فعل نكراني

شناعة النفس فيها النفس مفتونة
تزيد معها النفوس السقم بجناني

وعلم(ن) يثير المشاعر لا تقولونة
ما نقبل افكاركم لو كان ما كاني

توبوا ترا توبة اللي تاب مرهونة
لا صار صادق علي النية وطمعاني

ما زاد من فعلكم شيئا تقولونة
الا قبيح(ن) علي الاول وطغياني

وان كان باقي كلام(ن) تستخيرونة
كفو يديكم قبل فوات الاواني

الدرب واضح وروادة يدلونة
دربين واثنين والعميان عمياني

درب السلامة ودرب الشر ياهونة
لا صار ما في البنادم ذرة ايماني