أول كلامي: طلبتي.. ذكر الله
ماني.. عن الرب الكريم.. غناوي
ما نيب.. من يمدج بقول لسانه
ولاني على عشق البني.. هواوي
على إطلال.. الصبح.. خيل مخيلة
وصلت سناويها.. إلى الجرذاوي
وبروقها الهند.. ومصاقيل العجم
ورعودها.. البارود والعزاوي
تمطر.. بعطشان المحبب.. ولاقنا
ولها.. بروس الخير.. تعاوي
جان (سعود).. مسير.. بجنوده
معه (الدويش).. ولمة البداوي
ومعه جموع (سبيع) وأهل (العارض)
وصبيان (يام).. وبيرق القصماوي
ثمانية آلاف.. عداد جموعهم
بلوى.. وربي.. يدفع البلاوي
وحنا ثمنمية عداد جموعنا
ماش اجنبي فينا.. ولا برقاوي
آلاد روق ... اللي عريب جدهم
لي جا من الحكام.. رد براوي
ندب علينا.. شيخنا ابن محمد
ثم انتهض.. مثل العقاب الناوي
عود.. تعطف.. في ظهر جلومز
جلومز.. مثل القضيب الهاوي
مترفع عنها اللحم.. بعلوها
شعلا ... شعاع . شعلة.. شعلاوي
صحنا عليهم.. ثم عاونا الله
لين أنها.. صارت لنا.. مناوي
يا ظفرهم.. لا قرب الله دارهم
وحنا عليهم.. مثل نجم هاوي
لكن سربتهم.. الي اوجهت بهم
شراد ريم.. مع حماد داوي
ولكن سربتنا.. الي اوجهوا بنا
زمول مخزمة.. تبا الكراوي
وطلحة نحو عنا بريه.. يسارهم
وتعاقبوا.. دهم الهروق.. هداوي
كل الجنايز.. في نحاوي طلحة
جدع الخشب فالوادي السناوي
وحنا تلاقينا.. بسرية علوى
وساع الطعون.. مطوعين الغاوي
ونخيت مزحم.. سعد منهم ربعه
يوم اللقا.. زادوا.. ورا الهقاوي
ردوا يمانيهم . لكل مجرب
ياما خذوا.. من روح كل مساوي
نضرب بسلات الهنادي.. روسهم
ونقصم مثانيهم.. مهيب سلطاوي
وارخيت فيهم.. حد كل مصلة
في طبها.. يحتار كل مداوي
وارخيت فيهم.. حد كل امجرب
توحي لها.. بروس الخيرين.. اتعاوي
وارويت مذلوق القنا.. من خيلهم
يوم ادبحوا.. شرابة القهاوي
ومنعت سلطان البعير.. بينهم
وشيوخ.. ما ردوا لها النحاوي
يا رب.. تنجيني وتنجي.. سابقي
اللي تزيني.. عن الأهاوي
مضرب يديها ... في صلب الرقة
تأخذ من أدنى الحزم.. كبر الشاوي
قب.. من الزلبات.. واف عدها
بنت الأصيل.. وركضها فجحاوي
أبرها.. وأم العيال.. تبرها
تشرب.. حليب الفاطر الجنفاوي
وعزي لهم . لولا اسمر في خيلهم
يهوي علينا.. أهواية النداوي
لا رحم ابو.. من صد.. عن محرافها
يوم انجلاع الستر.. عن مضاوي
نطعن . لعين اللي.. تهل دموعها
تبكي ... وفي تالي البكا.. نخاوي
تقول: يا الظفران من عاداتكم
هوشوا.. عسى يبقى لنا.. شلاوي
ونطعن.. لعين اللي تجر حنينها
عفرا.. تبا صيفية المطاوي
قلت: ابشري بالفك.. ياحم الذرا
دام الطعن يفك.. والأهاوي
تزينوا عنا.. قصور عنيزة
لين احتماهم.. بيرق القصماوي
ترعى بنا عوج الركاب.. وتنثني
ما حدرت حسلة.. إلى الحجناوي
وانا أحمد الله.. يوم انا.. من لابة
ما هم بقطمان اليدين.. شواوي
يا مسوي الفنجال.. خزز: مدوخ
.. واثنه ل بن صلال.. والجلاوي
.. وانا زبون الحرد ... أبو ضيف الله
لي قصر البرطم.. عن الشفاوي
والمدح لله.. ثم نسل محصن
عسى لهم.. عند الإله.. عراوي
ذوي ثبيت.. أهل المناخ.. شيوخنا
أهل الكرم.. والمنزل المتساوي
سواقة المغتر.. على الحرابة
يوم الحريب.. عن الحريب.. يلاوي
إغفر ذنوبي.. يا محل ذنوبي
إن كنت.. في بدعي كلامي.. غاوي
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.