يقول اللي بدا جزل القوافي
سمين القاف ماجاب الضعافي
يسوق القاف سوق ولاعناله
على كيفه يجيب البيت وافي
على ضو القمر ترتاح نفسي
يونسني اليا من بان صافي
يهيض الشعر وارحل مع خيالي
واسمّع من هوى شعري وقافي
والاياصاحبي والشعر نعمه
من الرحمن علام الخوافي
مواهب ما خذيناها دراسه
ولابالضرب في حد الرهافي
ولاينفع اليامن قيل شاعر
وهوبااللازمه مايوم يافي
يجيله يوم مايلقا مجامل
تعّود شهرته كله عوافي
على هونك ترفّق لاتهور ترى ماعادبي صبرٍ اضافي
تهذري بين خلق الله حاقد
تقدم بالعسل سمٍ زعافي
وانا عارف مرامك ويش يعني
لانك بالاصل انسان هافي
تبي تعرف حقيقة ماوصلته
قناعك طاح واللي كان خافي
يبين العيب لوتستر عيوبك
تبي تاطا على رمضاك حافي
وراع الطيب لوتجحد جميله
مع الايام معروفه يشافي
وانا مااعدد افضالي وفعلي
ولاابي منك بالطيب اعترافي
اسوي خير وانسى مافعلته
ترى عكس البحر جرد الفيافي
وانا من ربع بالماقف شديده
تسوق العمر سوق ولاتخافي
لهم في ماضي الدنيا سوالف
قصر عنها الردي وانكف نكافي
هلا العصلا تكفّيك الفعايل
عمودي لاقريت الاسم كاااافي
لهم في ذاكرة هاك الزماني
علومٍ ماتغيرها السوافي
ولكن هالزمن تدري وانا ادري
يفوز اللي شرى سهم المصافي
حسابه يشتكي من كثر ماله
واناربحي من الدنيا عفافي
ادرج دنيتي منا ومنا
عسى الايام ماتبطي عجافي
ورجايا في عليم الغيب لانه
يسوق الغيث لديار الجفافي
عباده ترتجي من مد جوده
بحر جوده بلاشط وضفافي
وختام القول في اسمه وذكره
اله الكون علام الخوافي
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.