جتني تقول: إنس حبٍ فاتت أوقاته
وكل الهدايا التي عندك تجاهلها
قلت: السبب ؟ قالت: إن القلب مشهاته
في عالم الحب رغباته يبدلها
قلت: أحمد اللي كشف لي بواضح إثباته
حقايقٍ كنت قبل اليوم جاهلها
لكن بكيفك ، وطع قلبك ورغباته
وإن كان ودك تكملها ، فكملها
إن كان باقي كلام بخاطرك هاته
ومهما تكن كلمتك لي جارحة قلها
قلها ولا تستحي ، للجد حزاته
قلها وأنا أوعدك راح أتحملها
ولاهي غريبة على من هذي سواته
إنه على المسرح أدواره يمثلها
يا من خدع في الهوى قلبي بآهاته
ودمعٍ تحدر على خديك بللها
مالك شبيهٍ سوى التمساح في ذاته
يبكي الفريسة وهو بلهون ياكلها
قلبي قطع من هواك اليوم رجواته
وهذي هداياك ، خذها كلها وشلها
ما عاد لك يشتكي قلبي معاناته
ولا عاد أبي طيفك عيوني يكحلها
ولا عاد تطري على بالي بغفلاته
ولا عادت اليوم عيني لشوفتك ولهى
ولا عاد لك من هواي اليوم لذاته
ولا عاد لك في روض الأحباب ملهى
ولا عاد لأجلك قصيدي بأنظم أبياته
والكلمة الأولة مانيب قايلها
رح في طريقك وخف من قول شماته
وإنس الحكاية من آخرها إلى أولها
والله يعوض على قلبي ونياته
وأيامي اللي معك مالت يعدلها
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.