أبد على حطت يدك مامن جديد ونكتبه
غير اني اعتدت لغيابك واستلذيت الرتابه
إلا انت وش جابك علي وخاطرك وش عتبه
على بقايا انسان مات من القهر محدن درابه
دام الوفا رجل تهاوى ماتشايله ركبه
آه ياوجوده وجد من حده زمانه للمعابه
قال الأمل قلت ارتسم لحظه وعدى وشطبه
من لايعرف إن الأمل ابسط طموحات الغلابه
قال انت شف تكفى جوابي وانتبه
ترى السؤال احيان يدعوا للتعمق بالإجابه
ماقدس الحطاب فاسه لين ماباع حطبه
وانا بعينك زنت يومك عشت من شعري مثابه
انا فقدت من الحياة اليوم قولة يايبه
وش عاد يثربي غيابك لو تطاولبي عذابه
رح واسأل التاريخ عن جرحي وش اللي رتبه
رح واسأل الحاجب من اللي صك للعشاق بابه
رح واستفز الصمت وتدري ليه ارخى منكبه
واصبح يشيل من العيوب اشكال لايمكن تشابه
﴿ هذا النخل شامخ ولادنق ليا طاح رطبه
وشلون ادنّق لو يطيح القلب والساقي مشابه ﴾
لايمايضر العين دمع من ولعها تسكبه
ولايضر الليل شمعة حب او ومضة صبابه
الموت جهدي لاتعبت وغصب غيري ينهبه
ياويل حالي مابقى فينا حياة ولامهابه
كان القصيد أكبر طموحك خذ قصيدي واكتبه
والا انا رجل يخاف يموت وغيرك مادرابه
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.