ودعت البحرين بأمان الله ميسر الحال
ومن بعد لفيت الى أرض الغلا السعوديه
تارك ورا ظهري قلبي عند أم العيال
ساعاتي من دونها وربي ما حلت ليه
سرت وانا أغني بقلبي من الهم موال
شلون يجيني الفرح والمسافات مطويه
تذكرتها ياناس وانا فوق البحر خيال
على جسر الملك فهد أفكاري مبتليه
مشغول بهوا الحبيبه وياكثر الأشغال
للي تعلق بالهوا وغلاه ماهي منسيه
قلت ياربي مليت انا من التفكير والحال
متى يجيني خبر يطفي ناري الي فيه
متى تجيني رساله على هذا الجوال
تخبرني بعلوم الي تسوا عندي كل أنسيه
قمر كل البنات وهي عليهن كلهن تختال
ولا والله ما أنخلق شرواها جنيه
لو بغيت أوصفا يناس بوصل للخياال
ساكنه بتفكيري انا بحار ويدور حوريه
أنا أدورها بين البحور السبع الطوال
وأهي قربي داخل قلبي وحيده صفيه
انا لو حسبوني شاعرها فوق الأطلال
أخلص كل المدن وكل الحروف الأبجديه
أنا الي شريتها بناسي وربعي والأجيال
ربحت تجارتي فيها ميه وفوقها ميه
وشعري رهين بيديها ولها يناس ولا زال
مثل الورد العطشان وأهي الماي المرويه
وأحترق دمي أنطرها ولاجاني مرسال
والله أعلم بظروفها يمكن كانت عصيه
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.