بسم الله ابدا خير مبدا للابيات
يوم ان ذكر الله يزيل الهمومي
بيدينه التوفيق في كل الاوقات
واليا ذكرت الله زانت علومي
ابنتقي ندر بيوتٍ ليا جات
مثل المطر من صادقات الغيومي
الشعر له عند الرياجيل وقفات
وقفةٍ صناديدٍ تسد اللزومي
والشاعر اللي مايجيب الجزيلات
يقعد وفي بدع الجزيل مخدومي
في كل يوم وموقف اليوم بالذات
مايحتميه الا قوي العزومي
عند الرجال مطوعين الصعيبات
أهل المكارم طيبين السلومي
يامرحبا ترحيب شيخ المهمات
اللي يرحب لالفوه القرومي
يامرحبا في دار هيبه وطولات
يقلط بها الضيف الكريم محشومي
حياكم الله والكرامه مسواة
ماجوب لضيوف الكرامه عمومي
في حفل شيخٍ مرتكي للثقيلات
حجاب ابن مسري زعيم القرومي
شيخ فعوله للبطوله علامات
يبطون عن فعله عيال الرخومي
قايد وساسه من مقر القيادات
واسم الزلاما للمعالي رسومي
صيتٍ يجمل في جميع المجالات
والفعل يشهد قبل عصر الختومي
قوم لهم في طيب الافعال صولات
والقسم دايم من خيار القسومي
امجادهم ماهيب في حاجة اثبات
يفخر بها التاريخ في كل يومي
في وقتنا الحاظر وفي فايتٍ فات
يوم ان ذا معطى وذاك محرومي
يوم انها حرب ومعارك وغارات
برماحهم فجّو نحور الخصومي
واليوم ساس المعرفه والعلاقات
بيتٍ على النوماس جعله يدومي
تبقى المواقف للسلاطين عادات
وبيت الضعافه لو يطول مهدومي
والله يديم العافيه والمسرات
في ظل دارٍ بالكتاب محكومي
تمت وصلو عد الاحيا والاموات
على الرسول اللي بالامه رحومي
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.