أنجال زايد ذخرنا..يا شْيوخنا وْلاة الأمر
السمع و الطاعه لكم لو راحت أرواح وْ دما!!
تحت أمْرْكم يا طايلين الخير يا طْوال العمر
خصّ الإبن هاذاك/ شعلة بوظبي وْ ذيج الحمى
شيخٍ إذا انخيته..به النخوه أحرّ مْن الجمر!!
وان ييته بْطلبه يلبّي لك.. ولايسأل:لِما؟
الفخر أنته يا الفلاحي اللي عنيته..يا عُمَر
وْ الفخر يا ولد الكبار/لْغيرك أنته..ما انتمى!!
طاريك يا هام الشموخ شْموخ..وْ لو مرّه يمرْ
أتأهّب ارضوخ لمعاليك السمي علوّ السما
يا مرحبا بك..عدّ ما تسلا الخواطر بالسَمَر
و اعداد ما الودّ ايغَشِي حدّ(ن) و له يستسلما
شعري عذوبٍ وان قصدتك به بوصفك ينغمر
يا الشاعر آمر مزملي.. لك بالحَلا يتكلّما !!
كلْما كتبتك/من سحب وجهككذا المدح انهمر
بيت القصيده في سموّك غيم..بْمزوني همى
كيف النبض ينضب؟! وهو في ذكر شخصك مستمر
وْمن دون ذكرك/كيف أغنّي بالشعر واترنّما؟!
المدح في ساسك..حبور شعور حلاّ كلّ مرْ
إلاّ ونَس كتبيّه بْها شعورها..يا كَم نمى!!
يالله عسى اديارك بك اتباهي/وْ بالعزّ اتعمر
يا قلب ياسيّ المعزه له..كما ميرٍ وْ ما
تحيا بْشراغه يا عمر/لو هو على موتي الحَمَر!!
فدواك أنا يا نجل زايد ... لو أبتضرّج دما!!
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.