من صادق إحساسي ولا فيه تلفيق
والهاجس اللي ما أظنه تناساني
البارحة ومواج شعري تصافيق
واثر الحكي بيّن من أعماق وجداني
ايقنت أن القاف كله توافيق
وان ما كتبه الله يجيب الله الثاني
وحب الوطن ما ينوصف بالطواريق
مهما كتبت من المعاني بالاوزاني
تبخرت من فوق روس الشواهيق
وتفجرت منها مراسيل برهاني
جهزتها وعديتها للمخاليق
وهديتها لكويتنا قدر الإمكاني
الله يدوم أفراحنا ويبعد الضيق
دام الصباح بخير فالخير يملاني
عز وفخر واخوان مريم مطاليق
سلم العرب محفوظ في كل الازماني
نعم الرجال اللي سلوم ومواثيق
وقفاتهم تشهد لها كل الاوطاني
خوه و فزعة والكرم دون تدقيق
وتساند وتصلح وشأنه على شاني
والشر بيبانه تراها مغاليق
من حكمته ياطا على كل عدواني
رمز الثقافة والأدب دون تسويق
والرشيد صف اول كتابٍ بالاركاني
تقويم صالح قبل ما تشوف وتويق
تعرف متى هلاله وهو علم رباني
أهل المجالس كل البيت لك صديق
بدو حضر سنة وشيعة ترى إخواني
وحنا ترى احرارٍ بليا مسابيق
وديوان شعار النبط فيه ودياني
وأن كانت أحلامك تبي منك تحقيق
أقدم مدامك برضها منت ضمياني
دام النوايا مثل بيض الغرانيق
ناصرك ربي والصبر فيه يسراني
الدار محمية ورب المشارقيق
حافظ وطننا ويبعد الله الأحزاني
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.