انااليوم حالي فيه من حالة أم جفين*
مع ان حالتي ماتشبه الكل حالتها
ولكن ذهول الوقت فيه الشبه مابين*
مواويل لحني مع صدى صوت ونتها
لهانظرةٍ تجعل قلوب العصاه تلين*
وتخجل ورود الريف من حسن بسمتها
كريمه وابوها من من رجالٍ تسد الدين*
على العز مرباها وتفخر بعزوتها
لفاها ضيوف وزوجها غايبن شهرين*
وقامت بواجبهم رغم ضعف قوتها
له سبعة اشهر حامل وحملها بثنين*
لكن مايرد الطيبه دون هقوتها
وعقب ركبت قدرالذبيحه وفالي زين،
حصل حاصلٍ يجرح بوقعه كرامتها
بعدجاتها اللي عمرها حول عشر اسنين*
سمات الطفوله توحي بصدق طلتها
صغيرة عمر تخفي عجوزٍ لها نابين*
بها خبث. طبعٍ ورث من طبع جدتها
وقالت ياخاله عزتي لك حبيبك وين*
تقول امي اليومه لمريم صديقتها
تزوج عليك أم الحلا والغلا والزين*
تعرفهامرايم بنت جيران جارتها
اخذاها ذهول الموقف وهل دمع العين*
وصاحت من الغبن وجتث فوق ركبتها
وبعدمستردت وعيهاوالعرب لاهين *
تحامل ونزف الغدر قد هد قامتها
ترحبهم في دارها ياهلا واهلين*
وتخفي جروح الروح واحساس غبنتها
توصي اخوها كن مافيه شي شين*
بعدزينت بزاد المسايير سفرتها
يرحب بهم باسمه،نيابه عن ابو جفين*
وتهمس هذا سلم القبايل وعادتها
هذا ماسمح به هاجسي ولكم التخمين *
وكلٍ يخمن وش نهاية حكايتها
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.